摩納哥入球大「伊」時

摩納哥入球大「伊」時
 
今年只過咗三份之一，啲甚麼金球獎有排都未頒，不過如果依家呢一刻叫我選，球員就一定係美斯啦！但教練呢，諗爆你都唔知點選，不過呢度有個人選俾你揀，就係摩納哥嘅查甸；摩納哥今季一口氣失去法卡奧同占士洛迪古斯，但季中過後佢哋突然上晒力，對上14場聯賽僅1敗，依家打少場只落後榜首6分，真係咩事都有可能發生；今晚佢哋聯賽對手係第5位聖伊天，兩隊都傾向打穩守突擊，入球肯定唔多，入球細有計。（周五39，無綫網絡電視302頻道周六2:30am直播）
查甸領軍能力之高，好有可能係現時歐洲五個最佳領隊之一，上季佢帶領士砵亭走出低谷力壓波圖，今季接手摩納哥，球星盡散僅用一班隊中新星，竟然俾佢帶到有能力後上爭冠軍，今戰主場出擊，而歐聯又未開，絕對會全力爭取3分，以佢哋防守力計，小勝好合理。