科英布拉大學突「維」 葡萄牙超級聯賽，科英布拉大學嘅排名雖然低過里奧艾維，不過佢哋嘅近況就相當唔錯，數數手指已經累積8場不敗，故此里奧艾維即使狹住兩連勝走勢到訪，都未必係主隊嘅對手，更何況科英布拉大學今季排名急降，係時候要攞分交代，捧主勝大條道「里」。（周五18，香港時間周四11:00pm開賽） 同日甘馬雷斯對阿洛卡就有啲冷味，因為位列葡超第5位嘅甘馬雷斯，近3場比賽全部輸晒，包括以1:4慘負士砵亭、0:1負塞圖巴爾，同埋1:3不敵博維斯塔，球員嘅信心同士氣受影響係預期之內，所以上周贏波反底嘅阿洛卡有權作客爆冷，捧「讓客」等睇好戲。（周五20，香港時間周五1:00am開賽）