名古屋鯨魚唔「飛」得 日本職業聯賽，衛冕冠軍大阪飛腳欠缺銳氣，今日喺主場面對名古屋鯨魚難言穩勝，事關大阪飛腳仲要分心亞冠盃賽事，權衡輕重之下，日職剛開鑼隨時冇咁著緊，而名古屋鯨魚呢期就突然勇猛，近3戰獲2勝1和佳績，小川佳純等主力又腳風順，「讓客」點都要捧場。（周五2，香港時間周五6:00pm開賽） 鹿島鹿角主場對鳥棲砂岩一戰亦宜捧客軍，因為鹿島鹿角開咧後頹勢未止，近6場不勝嘅成績完全唔似一支爭標份子，加上同樣有亞冠盃嘅後顧之憂，今戰未許樂觀，近8戰僅嘗1敗嘅鳥棲砂岩 經常有神來之筆，而且佢哋嘅進攻能力一向唔差，「讓客」可以製造驚喜。（周五3，有線61及201台周五8:00pm直播）