捧打比郡「福」至心靈

捧打比郡「福」至心靈 

打比郡成個3月份都贏唔到波，領隊麥卡倫希望4月份開始可以重回正軌，適逢有主將可以復出，今晚可憑主場之利贏屈福特，足智彩開讓球盤，捧打比郡讓平手、半球開出上盤。（周五41，無綫網絡電視301頻道周六2:45am直播）
烏斯泰斯、美臣賓納特、韋伯特、佐治科奧尼同埋沙恩巴卡可望復出，而軒迪克更加講明可以候命，打比郡簡直傷疲盡起，為咗保持爭取直接升班嘅希望，今晚喺主場出擊必定搏命。屈福特有桑梅利同埋艾史特蘭養傷，艾文阿布迪就未及復出，最慘係上輪不敵葉士域治，6場不敗走勢終止，所以買打比郡開上盤正路。

森林主場穩贏狼隊

諾定咸森林對狼隊一戰就可以捧主隊，因為森林喺主場已累積5連勝，包括擊敗前列份子米杜士堡同埋般尼茅夫，而且每仗至少入兩球，氣勢方面的確係冇得頂，而且阿仙奴前鋒艾卡邦外借來投直至季尾，今次真係如虎添翼。狼隊首循環喺主場都淨輸3球，是役仲有正選門將伊基美斷蹠骨缺陣，想阻森林開平手、半球上盤都難。（周五9，香港時間周五10:00pm開賽）