德國讓客「魯」生常談

德國讓客「魯」生常談

歐國盃D組賽事，格魯吉亞雖然有主場之利，不過實力同德國隊相差太遠，而且近3次交手共失8球咁多，好明顯唔係同一個檔次，所以德國隊讓兩球都唔使驚，2.3倍「讓客」照捧無誤。（周日17，有線61及201台周一12:00am直播）

格魯吉亞日前喺熱身賽以2:0擊敗馬爾他，安玻里前鋒麥希里迪斯、迪尼普中場簡卡華、維迪斯後衛加沙希亞同埋魯賓卡山後衛索羅門卡域維利亞都有上陣，不過仲有幾位外流球員包括基維辛迪中場伊巴拉迪斯同埋安治後衛基加拿華分別因傷同狀態未有歸隊，陣容未算完整。

另捧雙「愛」平盤主勝

德國日前喺熱身賽2:2迫和澳洲，教練勒夫認為球員集中力不足，今仗相信會有改善。拜仁慕尼黑中場舒韋恩史迪加重新入選，湯馬士梅拿、後衛謝路美保定同埋門將紐亞就冇喺友賽落場，明顯為今戰留力，配合馬里奧葛斯、馬高列奧斯同埋卻奧斯等主力，德國實力依然強橫，加上過去3戰格魯吉亞全勝，「讓客」走唔甩。
同組愛爾蘭主場對波蘭，主隊愛爾蘭嘅骨幹球員例如羅比堅尼、沙恩朗同場艾登麥基迪悉數列陣，不過波蘭就有6個常規主力冇歸隊，包括多蒙特嘅比薛斯基，所以愛爾蘭平手盤絕對抵玩。（周日23，有線62及202台周一2:45am直播）
F組賽事，北愛爾蘭人腳唔錯，有修咸頓中場史堤芬戴維斯、西布朗中場布拉特同埋曼聯後衛莊尼伊雲斯坐鎮，主場對住正值重組時期嘅芬蘭，攞3分其實好樂觀，平手盤買北愛坐走望贏。（周日18，有線64及203台周一12:00am直播）