每逢嚟到國際賽期,通常個市交投都好淡靜,一來強弱懸殊嘅對碰,強隊往往都讓得好辣唔多值博,二來依家正值歐洲各大聯賽轉彎入直路階段,球員都唔想因踢「太公波」而受傷,畀「米飯班主」球會高層詐型,難免會就住嚟踢,
每逢嚟到國際賽期,通常個市交投都好淡靜,一來強弱懸殊嘅對碰,強隊往往都讓得好辣唔多值博,二來依家正值歐洲各大聯賽轉彎入直路階段,球員都唔想因踢「太公波」而受傷,畀「米飯班主」球會高層詐型,難免會就住嚟踢,既然贏1球同贏10球都係擸3分,又使乜贏咁多?留番啲力為球會做最後衝刺好過喇,因此班大戶呢排都冇乜動靜,寧願休息吓。 威爾斯受讓引人落疊 睇番佢哋喺B組頭3場贏晒排榜首,包括上輪於主場大炒波斯尼亞3蛋,絕對唔嘢小,較為出名嘅威爾斯受讓兼高水咁筍,有咁大隻蛤乸隨街跳,你當班莊家會計錯數?擺明引你落疊喇,肥叔認為以色列呢個上盤值得捧場。 (周日凌晨1時開賽) |