澳職：近年交鋒冇留手 韋斯咸森林大亂鬥_東方日報

周二澳職快車，墨爾本城主場鬥布里斯班獅吼。墨爾本城進攻唔掂，只能靠死守盡量搶分，布里斯班獅吼表現時好時壞，上場大敗畀威靈頓鳳凰後，預料今場作客都會偏向保守，捧2.5球入球細啱數。（無綫myTV SUPER周二下午4時直播）文:臻贏特

兩軍聯賽入球偏少
墨爾本城上仗主場同FC悉尼互交白卷，連續4場被攻破後，終於可以保持不失。墨城近4場聯賽只得2和2負，同球隊前線啞火有關，佢哋11場聯賽只入11球，入波數字係澳職第2少，近8場7次開2球或以下，預料墨城喺入球荒未改善嘅情況下，會繼續保守踢法。

布里斯班獅吼戰績非常飄忽，前仗作客贏中岸水手2比1後，上仗又突然走樣，主場以0比3不敵威靈頓鳳凰。雖然獅吼現時排第3，但其實佢哋入球數字，同今場對手墨爾本城一樣都係只得11球，只不過佢哋防守唔曳，經常可以「煲魚生粥」全取3分，相信今仗都會繼續穩中求勝，入球細係投注最佳選擇。

錘仔幫想搵比歷回巢救亡
2026/01/06
韋斯咸上場英超以0比3大敗於榜尾球隊狼隊腳下，近9場聯賽只有4和5負，已經跌至尾三降班區，領隊紐奴面臨被炒，盛傳會方計劃邀請克羅地亞名帥比歷回巢救亡。韋斯咸上年9月底換帥，搵來紐奴領軍，結果都係無補於事，現時已經落後尾四諾定咸森林4分，降班危機愈來愈大，可能再次換帥。

紐奴執唔掂聞魷魚香
新帥人選比歷球員時代曾於96至97年效力韋斯咸，並於15至17年擔任「錘仔幫」主帥，首季獲得英超第7位，但其後無以為繼，2017年11月被炒。比歷近年執教過西布朗、屈福特，甚至去過中超、沙特阿拉伯搵食，現時未有教職在身，可以即時上任，加上熟悉韋斯咸環境，的確係唔錯新帥人選。