沙特職：伊蒂法克大盤冇德頂_東方日報

艾利雅德對伊蒂法克，兩隊同屬中游球隊，實力相差唔遠，韋拿杜姆領軍嘅伊蒂法克成績稍佳，但踢法性感，近7場聯賽6次開3球或以上，遇上9場失19球、沙職失球第3多嘅艾利雅德，2.5球入球大係最佳選擇。（on.cc東網周五凌晨1時30分直播）文:邪神

艾利雅德近幾季都喺中下游徘徊，今季雖然請來踢過西甲嘅西班牙籍教頭卡利查執教，但成績無甚進步，現時排14位，僅比降班線多3分，隨時要護級，而且失球數字偏高，好在佢哋近期主場成績有改善，近4場主場獲2勝1和1負，今場對住同屬中游嘅伊蒂法克，有一定搶分機會。

伊蒂法克近年都係沙職前10球隊，球會資源亦較豐厚，隊長係荷蘭國腳韋拿杜姆，仲有踢過英超嘅法國前鋒迪比利，兩位球星喺上輪3比2贏艾費哈嘅聯賽包辦3個入球，攻力唔使懷疑，不過佢哋失球數字同樣甚高，9場失18球喺沙職並列第4多，近期頻頻開入球大，今場等睇入球騷。

尼奧姆主W劏魚腩
同時間開波仲有場尼奧姆SC對艾拿積馬，兩隊都係新升班，其中艾拿積馬開季9場聯賽只得1和8負未贏過，今場再輸機會好高，尼奧姆SC主勝雖然熱，但攞嚟做過關變倍器都唔錯。