沙特職：艾納斯餓波出擊搶士哥_東方日報

今晚沙特職，榜首艾納斯主場迎戰下游球隊艾科多，艾納斯今季聯賽9戰全勝之餘狂攻30球，場均攻入超過3球，C朗等人餓波已久，必盡情狂攻；艾科多深受降班威脅，惟有豁出去鬥攻，雙方近3次交鋒全開4球或者以上，再追3.5球入球大。（on.cc東網周六晚10時50分直播）文:邪神

沙特職休戰近1個月，艾納斯日前在亞冠盃2登場，主場大炒艾祖拉5比1，C朗喺呢項賽事首度登場，貢獻1個助攻，京士利高文及祖奧菲歷斯等主力都有波入，眾將經過短暫休息後，表現更餓波，雖然沙迪奧文尼暫時離隊踢非國盃，但艾納斯猛將如雲，預計葡萄牙孖寶C朗同菲歷斯踢雙箭頭，配合中場波索域穿針引線，力爭聯賽10連勝唔會手軟。

艾科多近年都係護級分子，今季亦唔例外，開季9戰僅得1勝2和6負，共失18球，今仗更有主力射手巴蘇高為喀麥隆出戰非國盃，影響極大。雙方近年交手例多波入，對上一次對賽，艾納斯就狂炒9比0，艾科多隨時輸鑊甘，先捧3.5球入球大，要埋讓三球嘅讓球主勝，隨時嚟個雙贏。

球王買兩間別墅做聖誕禮物
此外有指C朗豪掟700萬鎊（約7,340萬港元），買入紅海一個隱世小島上面兩間別墅，作為未婚妻喬治娜同5個仔女嘅聖誕禮物。據報小島位置隱秘，只能坐船或海上飛機先可到達，成為C朗一家嘅「世外桃源」。