亞冠：希拉爾打落水狗搶半W_東方日報

亞冠精英盃B組，FC沙迦主場迎戰希拉爾。FC沙迦近況奇差，近6場正式賽事輸5次，今場就算主場出擊都信唔過，反觀沙特豪門希拉爾就可靠得多，近期已取得14連勝，唔知個「輸」字點寫，而且近4場亞冠半場全部領先，今次對住缺態嘅FC沙迦，稍為畀力已可開出半場客勝。（HOY 76台周二凌晨零時直播）文:邪神

FC沙迦上季喺阿聯酋職業聯賽排第2，不過今季表現嚴重下滑，現時喺阿酋職跌到落中下游位置，早前喺阿聯酋聯賽盃8強，兩回合總共以2比7大敗於艾阿恩腳下出局，至於喺亞冠精英盃B組成績亦未見突出，位列中游，雖然仲有出線機會，但相信就算出線，都係陪跑居多。

星光熠熠圍攻沙迦
至於希拉爾就唔同，佢哋係沙特職最成功球會，共21次奪冠，亞冠盃亦獲4冠5亞屬亞洲之最，而且陣中星光熠熠，擁有達雲紐尼斯、魯賓尼維斯、沙積米連高域沙域等來自歐洲5大聯賽球員，實力超班。

希拉爾近期狀態冒升，連同沙特職、沙特國王盃等，各項賽事錄得14連勝，今屆喺亞冠精英盃B組亦繼續強勢，5戰全勝，當中近4場全部半場領先，經常先聲奪人，相信今場亦可輕鬆解決對手，半場客勝放心捧。