澳職：搶上榜首奧克蘭大晒_東方日報

周五澳職獨腳戲，上季常規賽冠軍奧克蘭FC，作客前季冠軍中岸水手。奧克蘭FC保留大部分冠軍班底，默契足夠，現時聯賽排第3，今場贏波更會升上一哥位，作客都會照攻，加上球隊近5場4次開3球或以上，推介中位數2.5球入球大。

（無綫myTV SUPER周五下午4時35分直播）文:臻贏特

中岸水手自2023/24稱霸澳職後，近兩季均於中下游徘徊，現時排第8，球隊仍有一定入球能力，近5場只有1次同對手互交白券，其餘4場全部都找到入球。

主隊水手後防穿窿
不過水手防守方面表現相對較差，近3場只得1和2負，兩場敗仗都畀對手射入2球或以上，前面入埋都唔夠後邊失。

另邊廂，上季新兵奧克蘭FC一鳴驚人，贏得常規賽冠軍，上季兩次鬥中岸水手取得1勝1和，更全開4球或以上，奧克蘭FC保留大部分冠軍班底，球隊現時排第3，近5場4次開3球或以上，威力仍然保持到，今場贏波全取3分，更會升上「1哥」位，當然唔會手軟，今場肯定係入球騷，2.5球入球大穩開。