英超：曼城搶開局速擒黑貓_東方日報

周中入球騷擊敗富咸嘅曼城，繼續對榜首阿仙奴步步進逼，「藍月亮」今晚主場迎戰「黑貓」新特蘭，必定藉主場氣勢搶攻求勝，對住防守能力一般嘅新特蘭，有望先發制人，熱捧半場主勝。（Now 621周六晚11時直播）文:工廠仔

曼城今季主場戰績特佳，近9場主場贏8場，當中7場贏至少2球，而且「藍月亮」慣性早段施壓，博對手陣腳未穩就取得入球，近期連贏列斯聯同富咸，都係喺上半場已經帶開2球，為勝仗奠下基礎。呢種搶韁踢法喺主場更為明顯，佢哋近3場聯賽主場，全部都能夠喺半場領先。

夏蘭特屈機擋唔住
「黑貓」新特蘭防守能力一般，近6場賽事都有失球，而且周中啱啱先作客晏菲路同利物浦激戰，又比曼城少1日休息時間，今場未必頂得住「屈機」嘅夏蘭特，同埋腳風超順嘅菲爾科頓，加上「藍月亮」有主場優勢，作客嘅「黑貓」好可能喺上半場就已經被攻陷，半場主勝值捧。