澳冠：攻守兼備 愈踢愈爽 南墨爾本上盤有收城_東方日報

今日澳冠聯賽A組上演榜首大戰，1哥南墨爾本作客排第2位嘅摩頓城精英隊。雖然兩隊排喺小組前兩名，但實力其實有一定距離，南墨爾本貴為奪冠熱門，無論攻守都屬澳冠頂尖，加上球員狀態弗到震，今場有力延續100%勝率，小讓平半，上盤相當抵玩！（周五下午4時35分開賽）文:工廠仔

南墨爾本係澳冠嘅「擂台躉」，開季即刻展現超班實力，目前5戰全勝，屬澳冠唯一長勝之師，自然被捧為冠軍熱門。今季加盟嘅中場柏斯哥利曾喺澳職打滾多年，經驗十足，令球隊實力如虎添翼。南墨爾本近4場聯賽有3場不失球，攻守能力都有保證，無論實力同狀態都喺摩頓城精英隊之上，想延續連勝走勢冇難度。

摩頓城精英隊防線欠穩
摩頓城精英隊叫做喺小組排第2，查實落後南墨爾本8分，難以威脅對方榜首地位。佢哋鋒力唔曳，入球數字甚至比南墨爾本更多，不過球隊防守力就顯得疲弱，5場聯賽已經失咗10球，場均失2球擺明勁多甩漏，首循環交手喺踢多個情況下都輸0比2，今日再鬥愈踢愈順嘅南墨爾本，睇怕難逃劫數，客軍讓平半咁筍，直取上盤。