外圍賽：德國遊盧森堡歎細界_東方日報

世盃歐洲區外圍賽A組賽事，「日耳曼戰車」德國作客盧森堡，實力上德國全取3分無太大疑問，不過球隊注意力會放喺下周對斯洛伐克嘅出線生死戰，今仗未必去到盡，可能會選擇保留戰力，加上德國近排進攻效率低，難望大炒，捧3.5球入球細屬明智之選。（周六凌晨3時45分開賽）文:渡邊年

牌面上德國喺A組實力超班，但球隊近年都踢唔出應有水平，喺穆斯亞拿、夏維斯等進攻主力受傷下，入球能力持續低迷，攻擊核心域斯今季狀態亦唔掂，令德國僅餘嘅創造力都冇埋，上場作客弱旅北愛爾蘭僅勝1比0，演出備受批評。事實上，德國作客賽事入球偏低，近5場作客全開3球或以下。

盧森堡雖被稱為「魚腩」，但今年主場卻屢有佳作，2025年5場主場只失5球，曾經1比0擊敗瑞典，以及0比0打和愛爾蘭，證明球隊並非任人宰殺。德國今場最緊要3分落袋，而且預計主帥拿高士文都會叫球員避免受傷，最後一輪鬥斯洛伐克先至係出線生死戰，今仗肯定會見好即收，3.5球入球細機會高。

斯洛伐克主W愛得過
至於同組斯洛伐克主場鬥北愛爾蘭，形勢亦相當微炒，現時北愛只落後斯洛伐克3分排第3，最後一場就主場鬥盧森堡。如果北愛呢兩場都贏晒，手執12分嘅話，都仲有機會反先直接出線，所以斯洛伐克今場絕對唔可以放虎歸山，喺主場先下手為強先剷除一隊，主勝可以小注玩吓。（周六凌晨3時45分開賽）