英乙：近7戰聯賽不敗 貝格拉諾讓客有根據_東方日報

阿甲次階段直播好戲碼，小阿根廷人主場迎戰貝格拉諾。位處A組嘅兩隊都要搶分，爭取前8嘅季後賽資格，不過小阿根廷人剛於阿根廷盃決賽飲恨，嚴重打擊士氣，貝格拉諾以逸待勞有着數，加上近7場聯賽不敗之勢，讓球客勝（+1）咪錯過。（HOY TV 76台周二早上8時13分直播）文:法達斯維

兩軍同處A組，未計周一賽事，小阿根廷人現時有18分，貝格拉諾則多1分，而堤格雷、防衛者、颶風隊都有19分，因此A組前8嘅季後賽席位可謂爭崩頭。不過小阿根廷人上周中阿根廷盃決賽對住利華達維亞獨立，喺落後兩粒嘅劣勢下，鬥到末段幾經辛苦逼和2比2，可惜互射12碼輸3比5，眾將未必咁快收拾到心情比賽。

萊斯查旺開半場和
另邊廂，貝格拉諾雖然喺上月阿根廷盃4強畀小阿根廷人踢出局，幸好聯賽表現未受影響，近7場聯賽取得2勝5和未輸過，夠晒硬淨唔易輸，佢哋喺次階段14場入得13粒，攻力認真麻麻，不過僅失10球，係A組防守最好球隊之一，今仗勢必穩中求勝，讓球主客和仲有得受讓咁筍，必捧讓球客勝（+1）。

至於早少少開波嘅B組賽事，萊斯查主場對獨立隊，萊斯查已夠分入季後賽，獨立隊則肯定冇份，對萊軍而言純粹寓賽於操，睇番佢哋近6場聯賽全開半場和，不妨追多鋪。（周二清晨5時58分開賽）