英超：曼聯以逸待勞半W值博_東方日報

今晚英超早場上演重頭戲，熱刺主場迎戰曼聯，倫敦球隊熱刺近期3線作戰，令球員疲於奔命，尤其是經歷周中歐聯比賽後，體力難免輸蝕。反觀，曼聯專注聯賽搏殺，以逸待勞之下，預料會趁機先下手為強，不妨博半場客勝。

（Now 621及611周六晚8時30分直播）文:Mic少

熱刺多條戰線傷疲交煎
論雙方近年對賽往績，熱刺的確佔上風，已經直落4次擊敗曼聯，包括上屆歐霸盃決賽小勝1比0。不過，講到近期演出，熱刺不及紅魔鬼，早前分別於英聯盃及英超不敵紐卡素、車路士，並且都係上半場就落後，雖然上場歐聯大勝哥本哈根4比0，但主因係對手實力太弱，不宜作準。熱刺最大隱憂係太多傷兵，多達10人有傷在身，加上3線作戰，進一步加重正選球員體力負擔，難免影響發揮。

至於曼聯無緣歐洲賽，加上早於8月底英聯盃出局，可以集中力量踢英超，成績有明顯改善，近4仗取得3勝1和，包括作客擊敗利物浦，而且呢近4場都係上半場就領先，估計今仗麥比奧莫、馬菲奧斯根夏及班捷文施斯高組成嘅前場，可以迅速撕破攰爆嘅熱刺防線，半場客勝值得一試。