沙特職：吉達艾阿里大盤收德錢_東方日報

今晚沙特職好波連場，球星如雲嘅吉達艾阿里主場迎戰艾利雅德，擁有艾雲東尼、馬列斯等進攻猛將嘅吉達艾阿里整體實力遠勝對手，配合地利優勢，預料可以大勝一仗，主W熱爆燈冇肉食。考慮到艾利雅德踢法亦傾向進取，就算輸波，往往可以破蛋，最好揀中位數3.5球嘅入球大。（周五凌晨1時30分開賽）文:渡邊年

吉達艾阿里近年從歐洲球會簽入多位球員，除咗前賓福特射手艾雲東尼、前曼城翼鋒馬列斯之外，仲有曾效力ＡＣ米蘭嘅中場基斯爾、前波圖射手加連奴、法國新星安素米洛特等，中前場人腳鼎盛。德國少帥查斯利「因材施教」，採取主攻戰術，不時創造大比數賽果，各項賽事近5次主場出擊，有4次總入球開4球或以上，包括同另一支沙特豪門希拉爾打和3比3。加上吉達艾阿里愈戰愈勇，取得3連勝合共轟入8球，有力盡數弱隊艾利雅德。

至於艾利雅德今季6場聯賽僅2勝4負，但當中5場有波入，包括作客對住C朗助陣嘅艾納斯，即使大比數落後下，仍然爭取到入波，以1比5落敗，唔好低估艾利雅德反擊力，出現大手交易機會甚高。

達馬克艾法特鬥磨吼半和
另一場沙特職，達馬克ＦＣ主場對艾法特，兩隊成績都欠佳，預料唔敢冒進，考慮到達馬克ＦＣ跨季近9次主場出擊有8次上半場打和，寧願博半場和。（周四晚11時15分開賽）