撐愛華頓橫「素」千軍 除咗曼聯對熱刺外,愛華頓同紐卡素亦會喺同樣時間進行比賽,預期愛華頓有主場之利,球員亦急於證明自己,攞足3分兼贏埋個平半盤機會好高。(周日34,now622台周一12:00am直播)搞吓搞吓
撐愛華頓橫「素」千軍
除咗曼聯對熱刺外,愛華頓同紐卡素亦會喺同樣時間進行比賽,預期愛華頓有主場之利,球員亦急於證明自己,攞足3分兼贏埋個平半盤機會好高。(周日34,now622台周一12:00am直播)
搞吓搞吓愛華頓依家聯賽排第14,僅領先尾3位置昆士柏流浪6分,一個唔覺意真係出事架,所以今晚主場佢哋一定去盡,唔會有保留。講近況,冇錯拖肥糖近5場不勝得2和3負,但對手入面有利物浦、阿仙奴同車路士等前列份子,依家強手盡去,仲唔立即加足油搶分咩!再講,佢哋都唔係唔識贏波,啱啱過去周中歐霸咪主場反勝基輔戴拿模囉。陣容方面,今周佢哋就算有巴利停賽,但盧卡古、巴克里、米拿拉斯、史東斯同侯活都攻守主力都可以候命,影響未必好大,讓球盤讓到半一信心十足,要上盤啦。
紐卡素傷兵滿營
紐卡素季初搶夠晒分護級,所以近期佢哋啲波非常海鮮,近8戰亦只贏過侯城同埋維拉,狀態認真一般;此外,紐卡素有射手柏比斯施斯停賽,杜密特、史堤芬泰萊、迪奧迪、路蘭度艾朗斯同施安迪莊全部有傷唔打得,嗰陣殘成咁信唔過。