沙職上演爭標大戰，吉達艾阿里主場迎戰希拉爾，兩大豪門陣容星光熠熠，今場亦係上屆亞冠盃西亞區決賽翻版，當時吉達艾阿里贏波並成為最後王者，主場受讓寧捧讓球主勝（+1）。 （周六凌晨2時開賽）文:工廠仔 近4次對賽3次不敗 貴為亞冠盃盟主嘅吉達艾阿里，近年招攬艾雲東尼、馬列斯等球星後，戰鬥力大大增強，同多年霸主希拉爾實力拉近唔少。計埋上屆亞冠盃3比1擊敗希拉爾，吉達艾阿里已連續兩次交鋒擊倒呢支死敵，近4次對賽有3次保持不敗，主場出擊唔會驚希拉爾。 兩隊周中都喺亞冠盃贏波，吉達艾阿里開季6場賽事5勝1和，狀態弗到漏，相反希拉爾喺施蒙尼恩沙基領軍下踢法穩陣為上，今場作客未必敢輕率搶攻，吉達艾阿里主場仲要有得受讓，讓球主勝（+1）值博。