墨超：阿美利加超班趁祖捧_東方日報

新一季墨超首階段常規賽周六朝早開鑼，重頭戲祖亞雷斯對CF阿美利加；CF阿美利加上季次階段常規賽同季後賽做咗「雙料亞軍」，今季捲土重來第一擊肯定唔衰得，加上佢哋近3次聯賽對祖亞雷斯全勝，客勝好穩陣。

（周六早上11時開賽）文:邪神

祖亞雷斯表現麻麻，上季常規賽只係排中游，無緣季後賽，睇番佢哋上季次階段常規賽表現，17場僅入16球，入球能力係聯賽並列第3低，亦係佢哋成績難有突破嘅主要原因。

反觀CF阿美利加就勁好多，佢哋係首階段季後賽冠軍，可惜次階段接連失利屈居亞軍，反映出該隊實力屬於頂級，世冠盃附加賽出局令球隊有更多時間準備新球季，加上近年交手食住祖亞雷斯，客勝有計。

聖羅倫素半和睇定食
早餐直播波有阿甲賽事，泰拿尼斯對聖羅倫素，泰拿尼斯喺南美自由盃出局後，可以專注本土聯賽，不過佢哋近況太差，近7場輸5場，相信今場會加強防守避免輸波，至於聖羅倫素實力較佳，但佢哋習慣謀定後動，近3場全開半場和，今場半場再守和泰拿尼斯唔難，再追半場和啱數。（HOY TV 76台周六早上6時58分直播）