女歐國盃：比利時女足受讓有利可圖_東方日報

女子歐國盃B組，比利時女足火併意大利女足，「比女」近年迅速冒起，上屆打入8強，當中包括分組賽以1比0擊敗今仗對手意大利女足，雙方近5次對賽，比利時女足取得4勝1負，明顯剋住意軍，加上有得受讓，讓球主勝（+1）值博。

（HOY TV 76台周五凌晨零時直播）文:Mic少

比利時女足近年進入收成期，唔少球員去到英格蘭及意大利搵食，主力射手迪莎胡拉特踢過曼城女足，現時效力國際米蘭女足，另外仲有3位球員踢緊薩斯索羅女足，所以非常了解意大利女足底細，今仗可以大派用場。同埋「比女」近期約戰勁旅法國女足踢熱身賽，明顯想增加訓練強度應付決賽周賽事，相信球員已進入最佳作戰狀態。

意軍遇剋星難有作為
至於意大利女足最威水係1993及97年兩屆女子歐國盃獲得亞軍，但踏入千禧年後，表現無以為繼，近6屆有4屆分組賽出局，包括近兩屆都係分組賽止步，上屆更加3戰不勝。「意女」整體實力差一截，更何況遇上「剋星」，預料無力突圍，恐怕讓唔起比利時女足。