笛子波童 ：PSG法足盃嗒私房菜

法足盃32強巴黎聖日耳門（PSG）主場鬥波爾多，PSG今季對待國內盃賽異常認真，伊巴謙莫域、堤亞高施華、馬度迪等主力均如常披甲。波爾多作客向來唔叻，而且近6次對PSG全部輸晒，包括今季聯賽首循環作客淨吞三蛋，波童捧讓球主勝。

（TVB 302周四凌晨4時直播）

PSG今季全力衝擊「四冠王」，無論早前喺法聯盃8強贏聖伊天、抑或上圈法足盃淘汰蒙彼利埃，教練白蘭斯都派強陣應戰，其中王牌前鋒伊巴謙莫域喺上述兩場比賽都有士哥，足證呢支法甲「土豪」爭盃決心。

非洲兵缺陣 波爾多頭痕
波爾多受到多名主力離隊出戰非國盃影響，近兩場聯賽只得一和一負，而且佢哋作客一向唔叻，今季聯賽作客對馬賽及PSG等前列球隊都以兩球差距落敗。睇埋對賽往績，波爾多聯賽加盃賽近六次鬥PSG全部輸晒，其中最近四次都輸兩粒或以上，如果嫌今場主W得1.28冇咩肉食，可捧2倍讓球主勝。