Mic少 ：阿爾及利亞有料非得起

今晚非國盃輪到上演C組賽事，阿爾及利亞特別值得留意，呢支北非新貴上年世界盃勇闖16強，僅於加時被該屆盟主德國淘汰，絕對唔嘢小。阿軍今次精銳盡出，召入巴謙美等「歐洲兵團」，足以輕取以本地聯賽人腳為骨幹嘅南非，阿爾及利亞主W1.83倍值博。

（周二凌晨3時開賽）

阿爾及利亞近年足球水準突飛猛進，多位國腳効力歐洲主要聯賽，包括波圖前鋒巴謙美、華倫西亞中場菲候利、熱刺中場賓達納、拿玻里後衞高林，已屬於非洲一線球隊。阿軍喺上年世界盃有辦畀大家睇，有5位球員取得入波，三線實力平均。踢到16強同德國拉成均勢，戰至加時先至敗陣，盡顯級數。阿爾及利亞今次沿用世盃班底出擊，相信會有一番作為。

反觀南非積弱多年，球隊處於青黃不接，今次大軍名單以本土聯賽球員為主，只有5位外流球員，而且只係効力英格蘭及比利時低組別聯賽球隊，實力低過阿爾及利亞起碼兩班波，今仗輸少當贏。

加納倉卒組軍難讓波
另一場，加納對塞內加爾，加納兩個月前先至由前車路士領隊格蘭接手執教，備戰時間非常倉卒，球隊仍然要靠老將基恩孭飛，其他較有名氣球員僅餘喺法甲搵食嘅阿休兄弟。塞內加爾擁有紐卡素射手柏比斯施斯、修咸頓前鋒沙迪奧文尼以及多位法甲兵，實力比加納有過之而無不及。塞內加爾仲有得受讓平半，下盤抵玩。

（周二凌晨零時開賽）