阿仙奴半場轟炸列斯聯|東方日報

英超榜首阿仙奴爭冠殺入最後直路，周六晚主場迎戰護級球隊列斯聯，「兵工廠」喺聯賽已豪取6連勝，弗爆漏油，而且所有盃賽都出晒局，餘下球季會專注英超，決心不庸置疑。今仗面對殘陣嘅列斯聯，有望狂風掃落葉式盡早贏波，半場主勝值得支持。
（Now 621周六晚10時直播）

列斯聯傷兵成籮
阿仙奴近期火力全開，布卡約沙卡、加比爾馬天尼利都腳風超順，加上加比爾捷西斯復出領軍，呢條鋒線威力喺英超數一數二。阿仙奴踢法亦極為進取，對上4場比賽都可以喺開波頭30分鐘內打開紀錄，依家無後顧之憂下更加會搶韁，主場有望早開紀錄。

列斯聯踢法重攻輕守，作客酋長球場鬥攻難免輸蝕，而且近日出現唔少傷兵，中堅胡巴、中場泰拿阿當斯同翼鋒基諾圖賽前接連受傷，今仗多數唔可以候命，雙方戰力拉得更遠。睇番兩隊近4次喺聯賽交手，阿仙奴全部都順利喺半場領先，再追半場主勝。