韋斯咸W實而不「華」

韋斯咸W實而不「華」
 
英格蘭足總盃第3圈重賽，韋斯咸同埋愛華頓再演全英超對碰，雙方嘅近況都極頹，不過槌仔幫勝在有主場之利，簡簡單單求個齋Win應該問題唔大，搏韋斯咸90分鐘內搞掂，主勝「愛」不釋手。（周二8，now621及632台周三3:45am直播）
韋斯咸已經累積5場不勝，但係近3場就係全部和波，所以衰衰哋都叫3場不波，最重要係安祖卡路爾呢位星級前鋒已經打破入球荒，配合埋達寧同埋艾馬菲達奴等好波之人，主場出擊要小勝晉級唔係好難啫。
愛華頓嘅不勝頹勢就累積到第6場，雖然上場英超迫和曼城，但係攻守方面仲有好多不足，領隊馬天尼斯嘅被炒壓力亦都冇減輕過，加上米拿拉斯等主力喺傷癒後未回復最佳狀態，是役難以阻擋鎚仔幫開主勝。
布里斯托城同埋唐卡士打就係全英甲較量，布里斯托城畢竟都係英甲一哥，近5場比賽亦取得4勝1和佳績，今次喺主場面對近3場不勝嘅唐卡士打，絕對有能力開出「讓主」，喺呢場重賽過關。（周二6，香港時間周三3:45am開賽）
狼隊對富咸一戰就更加易揀，狼隊累積6戰不敗，啱啱又喺聯賽贏波，相反富咸就連續4戰不勝，走勢頗為差勁，今晚揀狼隊開「讓主」晉級正路。（周二9，香港時間周三3:45am開賽）