華歷簡奴「爾」目一新 西甲星期一晚例牌有比賽，不過戲碼係華歷簡奴對科爾多瓦，相信都唔會有太多人有興趣。但喺投注角度睇，華歷簡奴歇冬後首戰竟作客贏到基達菲，大有重新出發味道，故就算恩素亞今周要坐波監，但喺有腳風好順嘅巴迪斯達奧同新星祖沙比特等壓陣下，初盤成為一面倒熱門好合理。（周一4，香港時間周二3:45am開賽） 相比之下，科爾多瓦聯賽排第18尾3位置，球隊又唔好彩出現大量傷兵，包括盧比斯加雷、拿比爾基拿斯、盧素迪加度同埋保遜全部都肯定唔打得，連續第五次作客輸俾華歷簡奴又有乜咁出奇？