遇強求穩陣禾堡細抗拜仁|東方日報

今晚德甲大戰，拜仁慕尼黑作客硬撼禾夫斯堡。拜仁上周中德盃大勝一場，但復賽後3仗聯賽全部打和，信心點都爭啲；禾堡兩連敗亦唔敢冒進，一於捧3.5球入球細。（周一凌晨零時30分開賽）

拜仁上周中德盃16強炒緬恩斯4蛋，新兵祖奧簡斯路首度披甲即交出助攻，總算有回勇演出，但緬恩斯實力一般，大勝不足為奇。呢支班霸復賽後3場聯賽，全部踢和1比1，前線除祖普莫亭較弗之外，其餘利萊辛尼、穆斯亞拿及基拿比都未撻着，射手沙迪奧文尼又養緊傷，今晚分分鐘打回原形。

禾夫斯堡喺前拜仁主帥尼高高華帶領下，早前聯賽一度6連勝，但上輪聯賽作客輸畀雲達不來梅，上周中德盃又遭柏林聯淘汰，之前氣勢淋熄晒，遇上拜仁唔會輕舉妄動。睇番拜仁近4仗聯賽全開2球或以下，今仗大細中位數調至3.5球，放心捧入球細。