爭轉戰歐霸馬體會贏到波|東方日報

B組出線塵埃落定，依家係睇馬德里體育會同利華古遜邊隊攞到第3名，可以轉戰歐霸附加賽，同歐霸各組次名爭16強席位。馬體會將會作客波圖，佢哋對波圖往績上佳，近5次歐聯交手獲4勝1和，加上波圖已經出線，作戰心態成疑，馬體會平手盤值得一試。（Now 643周三凌晨1時45分直播）

馬德里體育會爆冷未能出線淘汰賽，係自2017/18年後首次，當年佢哋都攞到小組第3轉戰歐霸，最終仲攞埋歐霸冠軍，依家最後一場分組賽，佢哋領先利華古遜1分，當然希望可以全取3分，咁就肯定可以攞到小組第3。

波圖呢場作戰心態係點好難講，第一佢哋已經出線，第二係波圖喺葡超大幅落後賓菲加8分，球隊都希望喺世盃之前盡量收復失地，唔好畀賓菲加拋離，今場主場都未必會博盡，何況佢哋對賽往績遜色，不如送個順水人情畀馬體會。

利華古遜博「大」霧
至於利華古遜上輪作客馬體會力保不敗，保留轉戰歐霸盃希望，對提升士氣有很大作用，雖然形勢有啲被動，但都要先做好自己，希望主場出擊鬥布魯日可以贏波。利華古遜於沙比阿朗素上任之後，踢法仍然大開大合，喺主場出擊更加係娛樂性十足，於沙比阿朗素帶領下嘅3場主場賽事獲1勝1和1負，全開3球或以上，今場預料入球必多，捧2.5球入球大。（Now 644周三凌晨1時45分直播）