上季荷甲冠軍阿積士雖然嚟緊下半季要轉戰歐霸盃，但球隊近排攻力強勁，今晚主場對住最近入得又失得嘅烏德勒支，有望出現大比數戰果，就算入球大細中位數調整到3.5球，大盤都應該可以順利開出。 （now 670周日晚7時30分直播） 阿積士雖然未能晉級歐聯十六強，但球隊近三仗主場出擊全勝之餘更轟入十三球，當中以近兩仗入三球嘅米利克表現最突出。阿積士今仗雖有前鋒域陀費斯查、史基賀臣及中場安華艾加斯因傷缺陣，但以球隊強大兵力，今仗要取得入波唔係難事。烏德勒支近六仗皆開出大盤之餘，仲要半場已成功達標，踢法大開大合有前冇後，阿謙相信今仗入波唔會少，中位數調整到3.5球都照捧大盤。