瑞士讓主「立」入正軌

 

瑞士讓主「立」入正軌
 
歐國外E組除英格蘭一戰，仲有瑞士喺主場迎戰立陶宛。論分組排名立陶宛依家仲喺主隊之上，但睇清楚佢哋其實只係贏聖馬力諾同愛沙尼亞，對住稍強嗰隊斯洛文尼亞都主場輸0:2，球隊今戰仲有後衛沙利加斯、中場柏卡、普利巴迪斯等缺陣，作客想要偷1分睇怕都唔係咁易。（周六47，有線64及203台周日3:45am直播）

瑞士今屆分組賽要到上輪先贏聖馬力諾開齋，不過冇計，鬼叫佢哋頭兩輪就對齊英格蘭同斯洛文尼亞咩，已可預期球隊喺呢組最多都係爭第2名；而如果想達成目標，今晚主場對立陶宛就一定要贏，好在陣容上已喺拜仁最近比賽中復出嘅梳頓沙基利、恩拿、佐羅等三線主力全數可候命，初盤熱到透更信得過。