曼城讓客「士」日精選

曼城讓客「士」日精選
 
曼城歐聯踢到不知所謂，但返英超你又唔可以睇死佢哋，今晚藍月亮仲只需作客昆士柏流浪，球員一肚火下肯定搵對手出氣，少讓1球必捧「讓客」。（周六54，now621台周日1:30am直播）

曼城周中歐聯輸俾中央陸軍，分組跌落榜尾，但要知道佢哋英超同歐聯成績差好遠，聯賽僅落後車仔6分排第3，近5周成績係4勝1負僅不敵韋斯咸；無疑領隊柏歷堅尼今晚可能輪換，比沙格拿、文加拉同迪斯高等落場，但呢班人勝在有氣有力兼想搶踢正選，鬥志會較佳；再講，曼城周中又輸，仲要球證好似犯咗幾個錯誤，依家成隊波肯定一肚氣，昆流呢個時候遇到佢哋真係有啲唔合時，因藍月亮肯定會搵佢哋出氣。
另一方面，主隊昆流係今季降班熱門之一，就算前周贏到維拉，近5周都有4場輸波紀錄，上輪僅輸1:2俾車仔其實只係對面唔谷盡，唔好以為佢哋真係咁叻，所以讓球主客和受讓1球都冇用。