伊維恩主勝夠獨「特」 法聯盃第3圈伊維恩同羅連安特會上演全法甲內訌。伊維恩喺9月尾一度3連勝，當中試過作客2:0贏到今晚對手羅連安特，所以近兩周佢哋連敗俾摩納哥同南特，可以當係對手太強所致，值得俾多次機會。客軍羅連安特喺聯賽近7戰6敗，僅作客贏過巴斯蒂亞，最重要係球隊客場一向唔掂戰績係近5戰4敗，左計右計都係伊維恩穩陣。（周二7，香港時間周三3:00am開賽） 另一關揀蒙彼利埃對法乙阿些斯奧。蒙彼利埃聯賽連輸俾里昂同蘭斯，但要注意都係客場比賽，主場佢哋贏過羅連安特以及甘岡，之前作客迫和里爾亦係好賽績，相反阿些斯奧聯賽近戰只識贏華倫西恩斯，狀態不足要越級挑戰成功難度好高。（周二9，香港時間周三3:00am開賽）