多蒙特讓客必「聖」

多蒙特讓客必「聖」
 
三色台又有免費波睇，想唔捧場都唔得啦！雖然多蒙特喺德甲踢到死下死下，不過佢哋喺德國盃第2圈嘅對手，只係乙組下游球隊聖保利，大勝開個「讓客」嚟振奮軍心一定走唔甩啦！（周二19，無綫明珠台周三3:30pm直播）

聖保利近況一樣咁差，佢哋上場德乙先至喺主場俾卡爾斯魯厄炒4蛋，加埋早前不敵杜塞爾多夫，現已累積兩連敗排德乙第16位，仲邊會有心情喺德國盃第2圈搞搞震吖！多蒙特近況雖然唔好得幾多，剛於主場爆冷輸俾漢諾威，但佢哋上周中先喺歐聯作客大破加拉塔沙雷4:0，睇嚟盃賽先至係蜜蜂兵團今屆嘅目標，所以足智彩開讓球主客和，多蒙特「讓客」一定要買。
不過另一場越級挑戰嘅賽事就有啲冷味嘞，事關喺丙組排第1嘅比勒費爾德，近況的確唔錯，近8戰獲5勝1和2負，是役喺主場挑戰德甲中游份子哈化柏林，爆冷晉級並唔係冇可能，畢竟哈軍傷兵名單水蛇春咁長，舒希巴、施格斯、貝查特、希格拿同埋基斯杜夫贊卡等共11個球員唔踢得，陣容嚴重不整，捧比勒費爾德「讓主」抵玩。（周二1，香港時間周三2:00am開賽）

杜伊斯堡讓主屠「隆」

另一支丙組球隊杜伊斯堡喺主場對住德甲科隆嘅情況相若，因為杜伊斯堡已經連續5場主場不敗，科隆又唔算太超班，睇好杜伊斯堡開「讓主」爆冷。（周二17，香港時間周三3:30am開賽）