歐國盃:玩謝意軍老人防線 史達寧高速搶胡

玩謝意軍老人防線史達寧高速搶胡2021/07/11講到英格蘭鋒線，大多數人都會特別注意隊長哈利卡尼，呢位熱刺射手今屆已射入4球，自然多人關注佢嘅演出，當然包括英軍對手意大利，預料「哈神」會受到重點招呼，「首名入球」不妨選擇史達寧。事實上，歐國盃分組賽哈利卡尼未入局時，英格蘭就係靠史達寧入波，而且呢位曼城前鋒速度快及靈活，面對意大利嘅老人防線容易搵到着數。睇番決賽雙雄近4次交手，英格蘭能夠入到意大利波嘅球員，如占美華迪、安祖斯唐辛、史杜列治同迪科爾等，都係速度比較快嘅球員，史達寧大有條件喺呢場重要大戰率先入波。