玩球网 -- 为了方便玩球手机用户..玩球网推出手机版 http://3g.999qiu.com 清新的手机界面.欢迎访问
    当前位置:主页 > >歐國盃:比利時中場雙星受傷 意大利上盤捧得過

    歐國盃:比利時中場雙星受傷 意大利上盤捧得過

    时间:2021-07-02 09:17:04来源:原创

    比利時中場雙星受傷意大利上盤捧得過歐國盃8強今晚展開,重頭大戰有比利時對意大利,今場喺中立場德國慕尼黑舉行。比利時上場淘汰上屆冠軍葡萄牙,但亦付出沉重代價,兩位進攻主將奇雲迪布尼、夏薩特同告受傷,今場上陣成疑,實力受削。至於意大利整體人腳

    比利時中場雙星受傷意大利上盤捧得過歐國盃8強今晚展開,重頭大戰有比利時對意大利,今場喺中立場德國慕尼黑舉行。比利時上場淘汰上屆冠軍葡萄牙,但亦付出沉重代價,兩位進攻主將奇雲迪布尼、夏薩特同告受傷,今場上陣成疑,實力受削。至於意大利整體人腳實力平均,加上近4次對比利時取得3勝1負,今場意大利讓平半,上盤值博。(Now618及616周六凌晨3時直播)迪布尼夏薩特或缺陣兩隊晉級軌迹極之相似,同樣喺分組賽3戰全勝出線,上場16強賽事都係幾經艱辛險勝晉級;但相比之下,比利時遭受嘅打擊比較大,因為上場對住硬淨嘅葡萄牙,兩位助攻能手奇雲迪布尼、夏薩特均告傷出,特別係奇雲迪布尼一向係「歐洲紅魔」嘅中場大腦,屬於勝負關鍵人物,最佳例子莫過於比利時喺分組賽對丹麥,落後之下全靠佢後備上陣,射入1球並交出1次助攻,比利時先至得以反勝。若然奇雲迪布尼缺陣今場大戰,勢必嚴重削弱「歐洲紅魔」組織攻勢嘅能力,即使佢勉強帶傷頂硬上,恐怕亦難以發揮出正常水準,前鋒盧卡古若然少咗隊友輸送,想入波肯定冇咁易,今場受讓都靠唔住。意大利上場16強大戰,最終踢到加時先至擊敗「奇兵」奧地利,贏得比較驚險,主要原因係領隊文仙尼排錯陣,以為奧地利「好易食」,因此派出剛傷愈不久嘅中場馬高華拉堤擔任正選,畀機會佢寓賽於操,順便收起狀態大勇嘅文路爾盧卡迪利,希望佢多啲休息,點知呢個決定導致「藍衫軍」陷入劣勢。文仙尼見勢色唔對,結果都要作出調整,換入文路爾盧卡迪利之後,意大利重新搶回中場優勢,相信文仙尼吸取教訓之後,唔會重複犯錯。小基艾沙擔正增加活力「藍衫軍」防線由門將基安盧基當拿隆馬把守最後一關,依然相當穩健,上場後備入替嘅年輕鋒將費達歷高基艾沙表現出色,今場有望獲得正選,相信可以提升意大利嘅活力。睇埋往績,「藍衫軍」曾於上屆歐國盃以2比0擊敗比利時,加上以佢哋近31場不敗強勢,有力再挫對手,讓球盤意大利小讓平半,上盤值得捧場。
    标签:
      [db:关键词]
    美图画报