日聯:飛腳頹細訪鳥棲

飛腳頹細訪鳥棲至於另一場日職賽事，鳥棲砂岩主場迎戰大阪飛腳。砂岩今季一改任人魚肉嘅弱勢，防守極為穩健，係佢哋位居前列嘅關鍵因素，飛腳已經連續4仗食白果，攻擊力堅曳到冇朋友，今場捧2.5球嘅細盤最穩陣。（周三晚6時開賽）近年都係護級為主嘅鳥棲砂岩，今季突然大翻身，開咧取得5勝2和2負，暫列第4位，令人喜出望外。雖然砂岩9戰聯賽入13粒唔算好突出，但佢哋只失2球，有7仗保持清白之身，係聯賽失波第2少球隊，其中5次主場出擊未失過波，就算造訪火力全開嘅川崎前鋒，都係僅輸0比1，防守有顯著進步，係佢哋躍升前列嘅主因。近4場聯賽交白卷上季亞軍飛腳受到疫情影響，整個3月都要休戰，至今只打咗4場聯賽，竟然只得2和2負未贏過，更恐怖嘅係飛腳坐擁宇佐美貴史、安達臣柏歷等射手下，4場聯賽都交白卷，全開2球或以下，鋒線熄晒火，似乎主帥宮本恒靖暫時都未諗到計仔，惟有先做好防守。雖然砂岩位居前列，但連盃賽在內，近5仗僅得1勝1和3負，狀態略見回落，今仗定必穩中求勝，2.5球嘅入球細熱得有道理。