捧兵工廠收“紅”利

捧兵工廠收“紅”利

英超兩支傳統勁旅阿仙奴與利物浦今季依然令“粉絲”失望，成績唔上唔落，阿仙奴好少少，仲有歐冠及足總盃玩，利物浦只剩歐霸盃可以爭。聯賽同病相憐，唯一目標係爭上前四。今晚兩隊碰頭，搶三分對爭前四相當重要，首循環兵工廠作客兩球淨勝紅軍，贏得清脆俐落，今仗返到主場更有利，初盤阿仙奴讓平手／半球屬筍盤，值得捧場。

阿仙奴近四戰取得三勝一負，只係作客輸畀車仔，雲格為應付今晚大戰，上仗足總盃輪換主力，收起辛迪亞高、沙格拿等重心，韋舒亞、華確特及基比斯只踢二十分鐘左右，擺明留力搏殺，以球隊快速行軍踢法，要擊退紅軍並非難事，十一場主場攻入三十球，係信心保證。

利物浦上場足總盃作客二比三輸畀低兩級的甲組球隊奧咸，表現差強人意，球隊踢作客實在難寄厚望，事實上今季紅軍除“謝隊”、“哨牙蘇”、艾加及史克迪爾夠級數外，其他球員感覺只屬二線兵，想發圍都難。

推介：阿仙奴勝3：1