意甲:費倫天拿硬淨讓主得米

費倫天拿硬淨讓主得米今晚意甲有場獨腳戲，費倫天拿主場迎戰國際米蘭，「紫百合」費倫天拿雖然整體成績不及對手，但近期不時有佳作，加上單計法定時間，國米近7次作客費倫天拿，僅得4和3負，並冇本錢讓波，費倫讓主值博。（myTVGold301、Now638、有線654及614台周六凌晨3時45分直播）費倫天拿今季主場表現非常硬淨，10場聯賽主場只係輸過2場，對上1次主場輸波已經係上年11月，而且近2場聯賽主場都贏波，今場又係佢哋搶分嘅好機會。特別係「紫百合」周中冇賽事，以逸待勞之下，體力比較有優勢。國米周中激戰祖記未回氣另邊廂，國際米蘭剛於周中意大利盃4強首回合激戰完祖雲達斯，消耗大量體力之餘，更以1比2落敗，可以話係受雙重打擊。由於國際米蘭賽程頻密，預料教練干地今場可能會作出輪換，畀部分主力休息，以免佢哋過於疲勞而受傷。國際米蘭顧此失彼之後，難免削減今場勝算。更何況國米以往作客費倫，經常陷入苦戰，就以上月意大利盃為例，「藍黑軍團」僅靠12碼開紀錄，其後被逼和1比1，結果踢到加時最後1分鐘先至攻入奠勝球。佢哋今場疲兵再戰「紫百合」，作客讓波蝕章，捧主隊為妙。