西甲:馬體會勒唔住上盤打卡

馬體會勒唔住上盤打卡今晚西甲1哥登場，馬德里體育會作客鬥卡迪斯。卡迪斯今季重返西甲屢創驚喜，早前連挫皇家馬德里及巴塞隆拿技驚四座，不過佢哋今季其中一場慘烈敗仗，就係首循環作客吞馬體會4蛋，加上馬體會弗到爆廠，聯賽累積7連勝，上盤讓到1/1.5球擺明有信心，照捧可也。（Now632周日晚11時15分直播）卡迪斯新敗氣勢回落卡迪斯屬今季西甲一路奇兵，暫居聯賽中游位置，季初作客1比0擊敗皇馬，其後再於主場2比1力挫巴塞，令人唔敢輕視呢支升班球隊。隊中最具名氣球員自然係曾效力皇馬、曼城嘅35歲老將前鋒尼格度，另外洪都拉斯射手安東尼羅辛奴及艾拔圖佩利亞同屬數胡人物，不過佢哋上仗作客西維爾輸0比3大敗而回，聯賽4場不敗走勢告終，氣勢恐會回落。馬體會今季順風順水，暫時18戰得47分高踞榜首，未計周六比賽，比皇馬及巴塞多7及10分仲要少踢一場，爭標形勢大好。蘇亞雷斯剛度過34歲生日，佢喺生日前後兩場西甲都有入波，今季聯賽已攻入12球，只要「哨牙蘇」保持狀態，馬體會唔愁冇士哥。加上佢哋防守保持一貫高水準，以門將奧比歷為首嘅防線今季西甲有11場零封對手，失波仍然係個位數（8球），屬歐洲5大聯賽之冠，卡迪斯想入波難過登天，客軍上盤放心捧場。