西甲:卡迪斯硬淨半場和征西

卡迪斯硬淨半場和征西2021/01/23文:法達斯維今晚西甲有免費波收看，西維爾主場迎戰卡迪斯。西維爾上仗幾乎失分，今晚撞正遇強愈強嘅卡迪斯，唔敢輕舉妄動；卡迪斯踢法硬淨，近7仗全開半場和，不妨再追。（ViuTV99台及Now632周六晚11時15分直播）西維爾近況唔錯，近8仗聯賽錄得5勝2和1負，唯一敗仗係不敵榜首馬體會，不過上輪作客下游分子艾拉維斯，若非門神耶辛尼保奴完場前勇救12碼，都未必贏到，今仗造訪更硬淨嘅卡迪斯，西維爾隨時更保守。卡迪斯今季升班後屢有驚喜，先後擊敗過皇馬同巴塞，雖然近況稍為回落，但面對強隊特別醒神，尤其初段有氣有力，球員走多兩步幫手防守，佢哋連盃賽在內，近7仗全開半場和，今仗初段都會同西維爾鬥磨，半場和有計。「黃潛」夠弗可挫侯爾斯卡同日頭場包尾嘅侯爾斯卡主場對「黃色潛水艇」維拉利爾。侯爾斯卡今季升上西甲明顯未夠班，頭19輪聯賽僅1勝，主帥米高亦被解僱，搵嚟柏捷達接手，但佢周中首度領軍作客基達菲出師不利，以0比1敗走，加上後備門將艾華路費南迪斯、後衞柏保路恩素亞及中場桑卡路士利爾確診新冠肺炎缺陣，頹勢未止。維拉利爾近6場作客取得5勝1負，除謝拉特摩蘭奴外，20歲前鋒費蘭度連奴同樣弗爆，可望乘勝追擊，客勝好路。（Now632周六晚9時直播）