雙“馬”會再玩和

雙“馬”會再玩和

馬德里市兩支死對頭，皇馬與馬體會前日在西班牙超級盃首回合激戰成和，明晨將要展開第二回合，一場定勝負。

分析之前，先回應皇馬後衛柏比批評對手的一句詼諧說話，竟然大彈對方阻止入波。大佬，足球比賽當然唔畀你入波啦！唔通畀你入波有獎金分咩！柏比係咪踢人踢到壞腦？

事實上，馬體會在首回合擺到明求和格，大部分時間以防守為主，而且攔截動作相當兇狠，全場共二十次犯規，令皇馬一班巨星發揮受到限制。不過，馬體會嘅反擊攻勢亦極具威脅，中目標射門比皇馬還多。若非卡斯拿斯表現出色，皇馬可能先失利，證明馬體會絕對與皇馬有得砌。今仗輪到自己主場，形勢更加有利，受讓必捧。

皇馬未能取得先機，只怪埋門一腳，十八次攻門只得四中目標，C朗失準，巴利與賓森馬等主力發揮亦在水準之下，係未能取勝關鍵之一。當然，施蒙尼嘅部署打法的確有料到，皇馬今戰作客肯定更加難打。初盤皇家馬德里讓平手／半球，捧馬體會至少執半個盤。

推介：和波1:1