熱刺出師有“利”

熱刺出師有“利”

一連兩日歐冠盃後，今晚輪到上演歐霸盃，揀咗場英超球會熱刺作客對利馬素。主隊利馬素屬於塞浦路斯球隊，大家都知，塞浦路斯嘅足球水平叻極有限，在歐洲嚟講屬於魚腩部隊，與英超比較的

確差幾班，如果熱刺呢關都過唔到，真係失禮死英格蘭足球。

至於呢支利馬素係咩料？人腳認真厲害，球員來自五湖四海，有巴西、阿根廷、法國、荷蘭、葡萄牙，甚至非洲國家尼日利亞與加納都有，簡直係八國聯軍一樣。不過老實講句，如果真係有料到、

踢得又睇得，都唔使踎喺“塞甲”搵食。點計都好！對住熱刺應該唔夠打，只望借助天時地利人和，能夠與對手拉緊形勢。

熱刺今季變動唔大，只放走施古臣與法爾基，又從史雲斯引入禾美與賓戴維斯作替補，基本主力都係原班人馬，所以默契配合方面絕對不成問題。雖然英超首戰殺敗韋斯咸過程驚險，但總算取得開

門紅，士氣及狀態都有所提升，今戰對手唔強，有望取得連勝。初盤熱刺讓一球，一於捧熱刺贏波贏盤。

推介：熱刺2:0