西甲:奧沙辛拿專恰艾拉維斯

奧沙辛拿專恰艾拉維斯西甲護級球隊奧沙辛拿主場迎戰艾拉維斯，奧沙辛拿已經跌入降班漩渦，未來賽事不容再失，今場有地利優勢支持，正係搶分良機，加上近3次聯賽對艾拉維斯，奧沙辛拿全部獲勝，明顯食住對手，主勝可以睇高一線。（Now632周四晚11時15分直播）未計昨晚聯賽，奧沙辛拿排緊尾2，護級形勢險峻，球員亦知道情況不妙，上場作客打和艾爾切，結束西甲4連敗頹勢，總算及時止血，有助提升士氣同信心。事實上，奧沙辛拿主場表現唔差，曾經擊敗切爾達、畢爾包，亦可以喺馬體會身上取得入球。最重要係奧沙辛拿係艾拉維斯嘅剋星，雙方近3次聯賽交手，奧軍都全取3分，包括上季「雙殺」對手，今場未開波已經先贏信心。艾拉維斯作客腳軟艾拉維斯雖然上場西甲主場贏弱隊伊巴，但近兩場聯賽作客都輸波，兼未能取得入球，包括以0比1不敵另一支護級球隊侯爾斯卡，可見艾拉維斯作客對住聯賽榜下游分子並冇優勢可言，今場鬥成績較差嘅奧沙辛拿竟然受讓，證明莊家都唔睇好艾拉維斯，一於要奧沙辛拿主勝。