意甲:費倫勢頹讓唔起熱拿亞

費倫勢頹讓唔起熱拿亞今輪意甲嘅壓軸戰喺周二凌晨爆發，由費倫天拿主場迎戰熱拿亞，「紫百合」費倫天拿上月初聘請名帥柏蘭迪利回巢執教後，表現仍然冇起色，球隊已經連續4場聯賽冇波入。雖然熱拿亞成績亦差，但要留意佢哋近9次聯賽對費倫天拿，取得2勝6和1負，今場有得受讓，一於選擇讓球客勝。（MyTVGold301、Now638、有線654及614台周二凌晨3時45分直播）柏蘭迪利克服新冠復出領軍費倫天拿搵番柏蘭迪利執教，但卻發揮唔出「新帥效應」，佢領軍之下2場聯賽，分別0比1不敵新升班嘅賓尼雲圖，以及吞AC米蘭兩蛋，可見呢位前意大利國家隊主帥都無法令「紫百合」起死回生。禍不單行，柏蘭迪利上周二確診新冠肺炎，一度要接受隔離，雖然柏帥經過3次檢測後，已經證實無感染，今場可以親自領軍，但難免影響近日備戰工作，進一步削弱費倫天拿勝算，冇本錢讓波。另邊廂，熱拿亞聯賽4連敗，但近3場作客有2場搶到分，同埋佢哋近年同費倫天拿交鋒，往往可以拉成均勢，雙方近4次對賽，熱拿亞取得1勝3和。而且熱拿亞近3次作客費倫天拿，都保持不失球，今場有力全身而退，受讓抵玩。