英超明晩開賽

英超明晩開賽

全球最受歡迎嘅英格蘭超級聯賽，新一季明晚開鑼，早場就有“紅魔”曼聯打頭陣迎戰來自威爾斯的史雲斯。計牌頭兼在奧脫福出戰，曼聯要打響頭炮應該冇問題。不過，一班“魔星”千祈唔好輕敵，因為史雲斯今季實力大大提升，多咗門將法比安斯基、蒙迪路、施古臣及衝刺力強兼爆炸力十足嘅高美斯，“紅魔”爭勝缺心少啲都唔掂，隨時有冷味。

尾場有阿仙奴大鬧水晶宮，兵工廠要攞呢三分，應該比曼聯機會較大。計倫敦幾支英超球會中，水晶宮實力明顯係較弱一隊，要在酋長球場爆冷，睇怕機會微乎其微。

另一場倫敦打吡由韋斯咸對熱刺，應該會打得比較激烈。唔好以為熱剌平均人腳較佳，就可以睇高些少，唔好忘記近三次對賽，韋斯咸都可以連殺對手，熱刺根本毫無贏波把握，又點讓得起對手？由馬天尼斯領軍嘅愛華頓上季表現令人激讚，今季能否繼續發揮黑馬本色值得期待，首輪作客升班馬李斯特城，“拖肥糖”嗒得落，有機會取得開門紅。