美职季后赛听朝正式开打，先嚟两场资格赛，其中有「咸爷」碧咸旗下国际迈亚密登场，作客硬撼另一支美职新军拿舒维尔。有「咸爷」做后盾，国际迈亚密今季发大嚟搞，请嚟希古恩、马度迪等球星助阵，梗係想喺季后赛有一番作为啦，不过呢班波有前冇后坚飘忽，随
美职季后赛听朝正式开打，先嚟两场资格赛，其中有「咸爷」碧咸旗下国际迈亚密登场，作客硬撼另一支美职新军拿舒维尔。有「咸爷」做后盾，国际迈亚密今季发大嚟搞，请嚟希古恩、马度迪等球星助阵，梗係想喺季后赛有一番作为啦，不过呢班波有前冇后坚飘忽，随时同拿舒维尔做「大」骚。
由于今季东岸比西岸多咗2队，因此踏入季后赛阶段，就要先踢一场过嘅资格赛，由第7名对第10名，同第8名对第9名，2支胜方就进入东岸最后8强。
论人气国际迈亚密当然赢晒喇，有「咸爷」做班主，并接连签入希古恩、马度迪等球星，人气更盛，射手希古恩亦坦言美职係佢职业生涯终点站，必定搏到尽。国际迈亚密凭联赛尾轮以2比1险胜FC辛辛那提，杀入东岸第10位赶上季后赛尾班车，不过呢支星级球队入得又失得，近14场只得1场冇失波，单计近5场入7球却失8粒，全开3球或以上，随时以攻代守。
拿舒维尔同样首度征战美职，最终位列东岸第7位，主客战绩亦差唔多。单计主场，11场取得4胜5和仅2败，虽然胜率唔算高，但胜在硬淨唔易输，阵中射手丹尼尔里奥斯係典型「宅男」，4个入球全部来自主场，正宗山寨王，连同兰度尔利尔及穆卡达支援，必藉地利抢攻，2.5球入球大值捧。
冲击攻守失衡 革命W得
早少少开波嘅另一场资格赛，由新英伦革命主场迎战蒙特利尔冲击。冲击今季由前阿仙奴「大帝」亨利执教，呢位一代射手崇尚进攻，冲击今季联赛共轰33粒，但因攻守失衡，失波数字达43粒，係东岸失波最多球队。反观主队革命攻守平衡得多，前线3叉戟布克沙、古斯达禾保奥及宾贝利，合共入18球，不容小觑。翻查纪录，两军近3次交锋，革命全部赢晒摆明格食格，主胜值得捧场。