皇馬征“西”話咁易

皇馬征“西”話咁易

歐洲超霸盃明晨在威爾斯卡迪夫城球場上演，由皇家馬德里與西維爾兩支西甲雄獅爭霸，皇馬球星巴利誓要在鄉親父老面前高舉歐洲超霸盃，有超強人腳作後盾，巴利仔如無意外可以達成心願。

西維爾雖然上季在聯賽曾殺敗皇馬，但近十次對住皇馬輸足八場，有五場更加輸三球以上，證明球會嘅人力、物力、財力兼最緊要嘅實力，都係難與皇馬相比，今戰在中立場決戰只望輸少當贏。初盤皇家馬德里讓一球 / 球半，火力驚人的星級戰艦，肯定炸到西維爾體無完膚，一於捧皇馬開大有數“維”。

皇馬今場的確有好多大勝元素，巴利在自己老家一定踢得特別醒神，新加盟嘅“占士”洛迪古斯與卻奧斯定必盡顯身價，啱啱續完新約嘅賓森馬亦要繼續證明自己嘅重要性，當然唔少得殺傷力最強嘅C朗正式復出，睇怕西維爾防線有排驚。

西維爾在西甲一向只屬中游分子，真正戰力比上完全不足，比下未必有餘，今季仲有克羅地亞國腳拿傑迪與阿根廷小將柏洛迪兩大主力離隊，實力更見削弱，對住皇馬更加無得打。

推介：皇馬3:0