留力下场硬撼乌拉圭听朝世盃外南美洲区赛事，5届盟主巴西主场迎战委内瑞拉。虽然两军牌面强弱悬殊，不过巴西王牌尼马啱啱好番，状态成疑，而且下场要硬撼劲敌乌拉圭，今仗随时留力，加上近年碰头经常2球起、3球止，3.5球嘅入球细更值得捧场。巴西喺今
留力下场硬撼乌拉圭
听朝世盃外南美洲区赛事，5届盟主巴西主场迎战委内瑞拉。虽然两军牌面强弱悬殊，不过巴西王牌尼马啱啱好番，状态成疑，而且下场要硬撼劲敌乌拉圭，今仗随时留力，加上近年碰头经常2球起、3球止，3.5球嘅入球细更值得捧场。
巴西喺今届世盃外两战赢晒，头威头势，上场反胜秘鲁4比2，王牌尼马更大演帽子戏法，并以64个国际赛士哥超越「大哨」朗拿度，仅次于球王比利嘅77球，升上巴西历史射手榜2哥，佢嘅数胡力唔使怀疑。可惜喺上月尾为巴黎圣日耳门出战欧联对RB莱比锡嗰阵，尼马因伤退下火线，之后一直未有比赛，未必立即操起，何况下场又要作客劲敌乌拉圭，佢啱啱好番今仗唔敢搏尽。另一箭头罗拔图法明奴近期喺利物浦脚风欠顺，加上中场核心菲腊比古天奴因伤落选，攻力进一步下降。
委内瑞拉残阵泊大巴
委内瑞拉前线过于倚赖前纽卡素箭头荷西朗顿搵食，无论係达云马捷斯、阿斯达古艾达或真靴达度等前锋，为国效力合共仅入7粒，未能分担荷西朗顿嘅入球重责，委内瑞拉头两轮世盃外喺佢缺阵下输晒之馀，仲全部食白果，包括上场面对巴拉圭，中场恩高靴里拉喺末段12码宴客输0比1，今场佢仲要坐波监添，加埋门将干查拉斯、防守中场拉路唐达确诊新冠隔离紧，委内瑞拉少咗3件主力，造访劲旅巴西只能摆铁桶阵死守。两军近6次交手，合共只炮製9个士哥，其中5场开3球或以下，何况巴西有后顾之忧，今仗领先后随时收缰，3.5球嘅细盘捧得过。
此文章内的所有观点和内容皆为作者个人意见，并不代表999体育观点；文章所示的任何数据和资料仅供合法中国体育彩票参考及交流之用。
任何公司或自媒体如需转载，请标注“转载自999体育”，严厉打击任何抄袭行为，我们将保留法律追究的权利！