大巴黎再和“坡”

大巴黎再和“坡”

今晚有場友誼賽應該比較有睇頭，由拿坡里約戰巴黎聖日門。兩隊都係近年當起歐洲球會，陣中唔少星級猛將坐陣，實力各有千秋。加上雙方下場比賽各有任務在身，今仗只屬友賽性質，拼搏程度必有所留，大家以和為貴係最理想賽果。

拿坡里今季野心相當大，教頭“肥賓”希望球隊繼續增兵加強實力。除借得史雲斯射手米祖及引入甘柏連尼外，目前正向曼聯中場費蘭尼埋手，仲有希臘國腳的馬洛拿斯都係收購目標。始終聯賽與歐冠雙線發展，必須要加强人腳。

拿坡里在下周的歐冠附加賽要迎戰西甲實力分子畢爾包，相信“肥賓”會集中戰力應付正式首場比賽。聖日門在聯賽首戰只能逼和中下游球隊蘭斯，未能全取三分等於出師不利，該場戰役佔盡優勢，伊巴謙莫域繼續搶盡鋒頭，只可惜防線不穩成為最大致命傷。嚟緊周六將要主場迎戰巴斯蒂亞，聖日門絕對不能再度失分，今戰與拿坡里拍跳，雙方免傷和氣，實行握手言和。

推介：和波2:2